Paano paghandaan ang Lindol?

Sa kabila ng modernong panahon at paglaganap ng modernong teknolohiya, wala pang natutuklasang paraan upang malaman kung kailan tatama ang isang lindol.

Pagusapan natin kung paano paghandaan ang pagtama ng lindol.

Bahay

Ang isa sa mga unang bagay na kailangan mong gawin bago ang isang lindol ay ihanda ang iyong tahanan.

Kahit na hindi natin mapipigilan ang pagkasira nito, maaari mo pa ding masiguro na ang iyong tahanan ay hindi magdulot ng karagdagang panganib sa iyo at sa iyong pamilya.

1. I-secure ang mga mabibigat na item tulad ng refrigirator, TV set, malalaking salamin, at mga istante.
2. Ang mga mabibigat na bagay ay dapat ilagay sa mas mababang posisyon ng istante upang hindi sila maging sanhi ng panganib sa oras ng pag-galaw ng mga pinaglalagyan nito.
3. Iwasan ang paglalagay ng mga babasagin at mabibigat na bagay sa mga lugar na tinutulugan.
4. Panatilihing walang nakaharang na mga gamit na maaaring maka-abala sa fire-exit, pintuan, maging sa pinaglalagyan ng LPG at electric circuit breaker.
5. Alamin ang mga ligtas na lugar sa loob ng inyong bahay na maaaring pag-taguan (duck, hold and cover) sa oras ng pag-galaw ng lupa.
6. Maghanda ng Go-bag at ilagay ito sa isang lugar na madaling i-access kahit na sa oras ng lindol.

Supplies

Parte ng pagiging isang prepper ang pagkakaroon ng prepping supplies na makapagliligtas ng buhay at magiging tulay ng survival.

Narito ang mga halimbawa.

1. Pagkain – Sasapat sa 3 araw o higit pa.
2. Tubig – Mainam kung mayroon kang portable filter at mapagkukunan ng tubig malapit sa inyong lugar.
3. Gamot – Mga basic at over the counter na gamot sa ubo, sipon, lagnat, pain killers, maintenance medicine at antibacterial.
4. Portable Lights – Katulad ng flaslight (at battery), posporo, lighter, kandila, at iba pa na magagamit pang-pailaw.
5. Communication device katulad ng AM/FM radio at two-way radio.
6. Mga damit na nakabalot sa plastic
7. Cash on hand na magagamit sa emergency
8. Hygiene supplies tulad ng sabon, shampoo, alcohol, at iba pa.

Plano

Pagusapan ang ibat ibang sinaryo at mga kaakibat na plano.

1. Evacuation Site – Tiyaking alam mo at ng bawat myembro ng iyong pamilya ang mga safezone at evacuation sites malapit sa inyong lugar. Mas mabuti kung ang bawat isa sa iyo ay may dalang mapa na nagmamarka ng mga daanan atlokasyon nito.
2. Communication – Dapat din’g magkaroon ng pamamaraan ng kumunikasyon upang makipag-usap sa isa’t isa. Sa ganitong sitwasyon, asahan na natin na ang mga linya ng telepono at mobile phone ay hindi accessible kung kaya’t importante ang pagkakaroon ng two-way-radio.

Sarili

Ang pinaka-mahalaga na ihanda ay ang iyong sarili sapagkat ang lindol ay maaaring tumama kahit nasaang lugar ka.

Ang isa sa mga pangunahing dahilan kung bakit napakahalaga na handa ang iyong sarili sa pagtama ng isang malakas na lindol ay hindi mo maaaring iasa ang iyong sariling survival sa mga awtoridad at ibang tao.

Mahalaga ang biglaang drills sa loob o sa labas man ng tahanan, sasakyan at maging sa lugar na pinagtatrabahuan.

Bukod sa mga panganib na nabanggi, ang isa pang posibleng panganib na kailangan mong paghandaan pagkatapos ng lindol ay ang kaguluhan, o Civil Unrest. Maaari itong mangyari kapag ang mga tao ay hindi matulungan ng mga autoridad, at desperado na makakuha ng mga pansariling pangangailangan.

Conclusion

Ang pagtama lindol ay isang likas na pangyayari sa ating planeta na hanggang sa ngayon ay wala pang paraan upang malaman kung kailan ito tatama, at upang kontrahin ito.

Ang pagkakaroon ng plano, kakayahan, at sandata upang maipag tanggol mo ang iyong sarili at pamilya ang magpapataas ng tyansa ng inyong survival.

Laging tandaan na Magplano, Maghanda, Mabuhay!

---

Date published: August 3, 2022

Last update: June 23, 2023